काठमाडौं–समाजवादी पार्टी, नेपालका संघीय परिषद अध्यक्ष डा बाबुराम भट्टराईले देशलाई समृद्ध बनाउने अभियानमा पार्टी एकीकरण गरेर अर्को नयाँ छलाङ मारिएको प्रतिक्रिया दिएका छन् ।
सोमबार राजधानीमा आयोजित संघीय समाजवादी फोरम नेपाल र नयाँ शक्ति पार्टी नेपालबीचको एकीकरण घोषणा कार्यक्रमलाई सम्बोधन गर्दै भट्टराईले यस्तो बताएका हुन् ।
उनले भने, ‘हामीले देशलाई समृद्ध बनाउनका लागि अर्को नयाँ छलाङ मारेका छौँ। हामीले सही अर्थमा देशलाई एकीकृत गर्ने काम गरेका छौं । दुई दलको बीचमा एकीकरण मात्र भएको छैन यहाँ राष्ट्रिय एकीकरण भएको छ ।’
उनले समाजवादी पार्टी समृद्धिका लागि लड्न गठन भएको भन्दै यसमा पार्टी सफल भइछाड्ने विश्वास व्यक्त गरे ।
उनले समाजवादी पार्टी समृद्धिका लागि लड्न गठन भएको भन्दै यसमा पार्टी सफल भइछाड्ने विश्वास व्यक्त गरे ।
सत्तारुढ दल नेकपाप्रति आक्रामक रुपमा प्रस्तुत भएका भट्टराईले नेकपा कम्यूनिष्ट पार्टी नभएर कमाउवादी कम्यूनिष्ट पार्टी भएको दाबी गरे ।
‘नेकपापार्टी निभ्न लागेको बत्ती जस्तै हो । यदी मधेसको समाधान भएन भने देशमा अन्तर्ष्ट्रिय अखडा बन्न सक्छ । हामी विशेष गरी मधेशमा केन्द्रित भएर काम गर्ने छौँ’ उनले भने ।
ओली सरकार काण्डैकाण्डमा फसेको उल्लेख गर्दै भट्टराइले देशलाई कंगाल बनाउने कहिले एनसेल काण्ड, कहिले बाइडबडी त कहिले ललित निवास काण्ड भइरहेको बताए ।
सम्पूर्ण देशको नेतृत्व गर्ने तागत मधेससँग रहेको भन्दै भट्टराईले देशलाई नै तराई मधेसले बनाएको बताए ।
आन्तरिक राष्ट्रियता बलियो नपारिकन संघीयता बलियो नहुने उल्लेख गर्दै भट्टराईले भने, ‘तराई उठेपछि हिमाल पनि उठ्छ । छिट्टै नै आन्दोलनको आँधिबेहरी आउने छ । हाम्रो संघर्षको मोर्चा सडक, सरकार र सदन हो ।’
भट्टराईले सडक पहिलो, सदन दोस्रो र तेस्रो मोर्चा सरकार भएपनि सरकारको मोर्चा भरपर्दा नहुने बताए ।
उनले कुनै पनि बेला सरकारबाट बाहिरिन सकिने पनि उल्लेख गरे ।
No comments:
Post a Comment